Вести МВР денеска треба да соопшти детали за инцидентите на Мечкин Камен
Денеска се очекува МВР да соопшти детали од истрагатата и сослушувањето на лицата кои на Илинден на Мечкин Камен, организирана од претседателот Ѓорѓе Иванов предизвикаа инциденти. На распит биле повикани десетина лица, и ако се утврди одговорност , велат од МВР, ќе бидат доставени соодветни поднесоци. Во меѓувреме, дисциплинската комисија на министерството за одбрана се очекува да го потврди и да го санкционира учеството на професионалниот војник во овој инцидент.
Владината делегација, заедно со дипломатскиот кор во земјава, на 2-ри август на Мечкин Камен беа пречекани со пцовки, вулгарни извици, се фрлаа пластични шишиња кон нив, а додека делегциите полагаа цвеќе на споменикот, навивачките групи продолжија уште пожестоко да скандирааат пароли со говор на омраза и вулгарности. Присутните со аплауз го дочекаа само претседателот Ѓорѓе Иванов, кој во своето обраќање жестокот ја нападна актуелната власт и рече дека не го прифаќа грчкиот договор, затоа што е штетен, а нема да го поколебаат обидите за притисок врз него.
