Македонија Микиќ: Нема потреба од стигматизација
Граѓаните мора да останат присебни, не треба да ги осудуваат и стигматизираат лицата кои се заразени или пак оние кои се во самоизолација и не смат да ја потценат или банализираат вирусот и епидемијата, смета епидемиологот д-р Владимир Микиќ.
„ Секој од нас може да се зарази и да заболи. Нема потреба од стигматизација. Нема потреба да создаваме паника. Но не смее ниту да го потценуваме вирусот“, рече д-р Микиќ.
Тој нагалси дека граѓаните мора да се придржуваат до препораките, да ги мијат рацете често и темелно, да избегнуваат затворени простории и групирање.
