Лицата со попреченост се вклучуваат во општеството

Ѓорги Сурловски е лице со пречки во развојот, и има 35 години. За себе вели дека животот му бил здодевен додека не почнал да работи. Но, не и сега.

Интересно, убаво. Прво искуство ми е, не само на мене, туку и на други другари и колеги со посебни потреби, вели Сурловски.

Исто размислува и 21 годишниот Филип Ангеловски, кој поминува обука.

На работа ми е добро. Тоа значи дека има повеќе гости, работам, служам и се правам, вели Филип.

И Филип и Ѓорги потврдуваат дека за својата добро завршена работа, гостите им даваат бакшижи. А и сопственикот на ресторанот Амбрела, е задоволен од нив.

Тие се едни супер деца, што одлично си ја работат работата. Можам да кажам дека ги надминаа моите очекувања, во тој поглед, вели Марјан Петров-сопственик на ресторанот Амбрела

Ресторанот Амбрела е прв угостителски објект во Скопје каде работат или посетуваат обука, 10 лица со пречки во развојот. Тие измамуваа топли насмевки кај гостите, кои дојдоа на хуманитарното василичарско дружење , во организација на ДЗС и Филозофскиот факултет од Скопје.

20% од прометот што ќе биде остварен денеска, заедно со донаторската кутија и сретствата што ќе бидат соберени, ќе се купат дидактички играчки, наменети, како што решивме за градинките во општина Гази Баба, изјави Ратко Дуев- декан на Филозофскиот факултет во Скопје

Дружењето е дел од кампањата за интеграција на лицата со попреченост во оштеството и таа ќе продолжи во текот на годината.

Веќе направивме работна група, каде што изготвуваме начин, систем, како да ги вклучиме децата со посебни потреби, односно луѓето со посебни потреби, да бидат дел од нашето општество. И да се чувствуваат еднакви со сите нас, вели Аднан Џаферовски- директор на ДЗС

Проектот за вработување на лица со попреченост во ресторанот Амбрела, е вид на социјално претприемништво , што е тренд во светот. Иако проектот е реализиран без подршка од државата, овдека купувачи на услугите се граѓаните , велат од МТСП. Од таму со одговор дека вработувањето на лица со попреченост , со финансиска подршка од држвта се спроведува преку заштитните друштва кои треба да имаат најмалку 10 вработени, од кои 40 % се лица со пречки во развојот. За вработените во друштвата, се рефундираат придонесите и имаат право на набавка на опрема, во висина од 200 просечни плати и оспособување простор за работа, до 100 илјади денари, дополнуваат од МТСП.

Сотир Трајков