Вести Ќе има ли отчет за (не)кампањата?
Митинзи, трибини, средби со граѓани, говори на министри, фалби, ветувања и критики…На една година пред избори, сценографијата е предизборна, иако партиите официјално не се во кампања. Ова ја отвора и дилемата, дали за овој тип на кампањи постојат правила? Дали, со изговор дека ова не е предизборна кампања, се заобиколуваат сите правила и прописи и се користат државни ресурси?
Од Транспарентност –Македонија велат дека, партиите имаат право на промоција на своите проекти и активности, но отчет мора да има.
Партиите, според неа, треба да бидат транспарентни, особено за потрошените пари.
Од СДСМ тврдат дека нема злоупотреби.
Транспарентност потсетуваат дека граѓаните и самите би можеле да пријават злоупотреба на државни ресурси, особено на возила и државни простории, а на располагање за тоа го имаат и регистерот објавен од Антикорупциската комисија, за возила кои се во сопственост на државната администрација.
Далиборка Демјанска Цветановска
