Катица Јанева се соблекла по долна облека за време на ревизорска контрола за СЈО во ДРЗ

Поранешната специјална обвинителка Катица Јанева денеска во Државниот завод за ревизија почнала да се соблекува и останала во долна облека додека ревизорите и ги презентирале наодите од ревизијата за финансиското работење на СЈО.

На полицајците Јанева прво им кажала дека и е доста од се и почнала да се соблекува. Потоа била повикана итна помош и и е дадена инекција за смирување, а таа е префрлена во станот каде ја издржува мерката домашен притвор.

На Јанева и бил подготвен и записник за прекршок за нарушување на јавен ред и мир, но таа не го потпишала.

Јанева во Државниот завод за ревизија е повикана бидејќи беше одговорно лице на СЈО, за да и биде презентиран извештајот за извршената ревизија на усогласеност . Таму бил присутен и обвинител од Обвинителството за организиран криминал каде се води предистрагата за високите бонусите на СЈО.

Поради инцидентот е прекинат увидот во наодите на ревизијата за работењето на СЈО.