Истрагата за рекетот личи на опструкција, смета Тасева

Чудно, несекојдневно и на ниво на опструкција, вака Слаѓана Тасева претседателката на Транспаренси интернешенл за Телма ја коментира истрагата за случајот во кој е вплеткана и специјалната обвинителката Катица Јанева. Досега требало да се земат изјави, а не да се мисли на одмор.

Посебна приказна е што доказите во постапката кои се во обвинителството почна да ги објавува ниско тиражен италијански весник кој поради милионот во Луј витонот ги урива рекордите на својот јутјуб канал со звучни имиња од македонската политика, бизнис и обвинителство.

На снимките се слуша Катица Јанева, но таа иако е специјален обвинител во оставка си зеде одмор и од денеска е во својата канцеларија.

Додека беше на одмор испрати две лични соопштенија преку сајтот на СЈО. Нема уште термин за нејзин распит, иако нашите соговорници велат дека досега морала да даде исказ.

Главните прашања се како сега на вистинската патека ќе се врати истрагата за кешот кој се уште не е најден и за кого бил наменет и кој од владеачките структури е вмешан во целата работа.

Миомир Серафиновиќ