Македонија И дел од пратениците на СДСМ против законот за јазици
Според собраниските листинзи за вчерашното гласање, пратениците од СДСМ и коалицијата Маја Морачанин, Ферид Мухиќ, Ивана Туфегиќ, Лилјана Поповска и Тања Ковачев не гласале за законот за употреба на јазиците.
За законот не гласал и Зијадин Села, лидерот на Алијансата за Албанците. Според листингот и Африм Гаши од БЕСА не гласал, но тој реагирал тврдејќи дека гласал „за“. Мендух Тачи, лидерот на ДПА не беше присутен во Собранието на вчерашната седница. Независните пратеници Чедомир Саздовски и Амди Бајрам го дадоа својот глас за овој закон.
