Хемикалиите од „Техникал текстајл“ ја загадија Брегалница

Пукнато црево на цистерна на транспортна компанија со која се пренесувала хемикалија за процесот на производство во компанијата Техникал Текстајл во ТИР зоната во Штип, е причина за вчерашната еколошка хаварија и реката Брегалница да биде обоена со густа и бела течност, објави на денешната прес-конференција градоначалникот ан Општина Штип, Благој Бочварски.

Хемикалијата се излила во кругот на фабриката а од таму во атмосферската канализација, која се слеала во каналот кој води до реката. Во непосредна близина се бунарите за вода за пиење, анализите покажуваат дека не е згадена водата во градскиот водоводен систем и не го загрозува здравјето на граѓаните.

Во текот на следните денови анализите ќе продолжат, а ќе се анализира и водата во дистрибутивната мрежа. Се уште не е познато дали се работи за токсична материја, а од локалната самоуправа не сакаа да шпекулираат додека не ги добијат резулатите од лабораторијата во Скопје. Утринава водата во реката Брегалница е чиста по вчерашната голема хаварија.

Викторија Димитрова Јованова