Вести Гутереш: Политичарите во Македонија да продолжат со имплементација на Договорот
Генералниот секретар на ОН Антонио Гутереш, по неделниот референдум, ги повика политичарите во Македонија да продолжат со спроведување на Преспанскиот договор.
– Фактот што огромно мнозинство од оние кои гласаа го поддржаа Преспанскиот договор е многу важен, порача Гутереш.
Во соопштението објавено од прес-службата на ОН, Гутереш ги повикува сите политички сили во Македонија да продолжат со спроведување на договорот со Грција во институциите на државата.
