Голем интерес меѓу верниците за посетата на папата Франциск

Огромен интерес за присуство на светата литургија со папата Франциск на плоштадот во Скопје но и гости од сите земји во регионот најави бискупот Киро Стојанов.

За само неколку денови од објавата за регистрација и добивање бесплатните влезници, се пријавиле голем број граѓани кои што сакаат да присуствуваат.

На светата литургија се очекуваат и многу свештени лица.

Верниците велат дека е голема чест и радост доаѓањето на папата во државата.

Папата Франциск доаѓа на 7-ми Мај во земјата.

На аеродромот ќе го пречeкаат претставници на Католичката црква, државниот врв, но и млади луѓе. Во рамки на посетата предвидена е средба со поглаварите на македонските верски заедници во спомен – куќата на Мајка Тереза, со претставници на ранливите категории, а потоа и светата литургија.

Сузана Мицева