Фрчкоскa утре ќе побара укинување на притворот на Катица Јанева

Ирена Фркоска, адвокат на Катица Јанева, во интервју за ТВ 21 најави дека утре ќе побара укинување на мерката притвор за поранешната специјална обвинителка.

Фрчкоска додаде дека доколку се утврди дека е разрешена на незаконит начин, Јанева има право да бара соодветен надомест. Како гаранција за ослободувањето од притвор, Јанева ќе понуди гаранција во недвижен имот.

„Законот и дозволува на Јанева да поднесе тужба за разгледување на одлуката за разрешување и да бара соодветен надомест доколку се утврди дека е разрешена на незаконит начин. Но, прво треба да ја примиме одлуката, па ќе видиме како ќе постапиме. Ние сме во фаза на подготовка на барањето за укинување на мерката притвор. Најдоцна до утре ќе го пуштиме барањето, ќе бараме да се брани од слобода со депонирање на соодветна гаранција во недвижен имот. Сметаме дека се отпаднати основите за притворот, бидејќи таа веќе не е е специјален јавен обвинител и не може да ја злоупотрбува својата положба и да влијае“, – изјави Фрчкоска