Економија Две нови авиолинии од скопскиот аеродром
Од денеска се воведени две нови авио линии од скопскиот аеродром. Два пати неделно ќе се патува до Баден-Баден, секој вторник и сабота, а исто така два пати неделно, во среда и недела ќе има лет и до Бремен. Првиот лет за Бремен од скопскиот аеродром е планиран за утре.
Со овие две дестинации, скопскиот аеродром директно е поврзан со вкупно 39 дестинации кон кои летаат 13 авиокомпании. Двете нови авиолинии од скопскиот аеродром, како и новите авиолинии од охридскиот аеродром се дел од договорот за финансиска поддршка што Владата го потпиша со авиокомпанијата „Виз ер“.
