Македонија Дванаесет денови нема трага од 16 годишната Благица од село Смоларе
Дванаесет денови нема трага од 16 годишната Благица од село Смоларе, струмичко. Семејството е очајно и бара помош од полицијата но и од граѓаните да се пронајде нивната ќерка и внука. Исчезнала на 24 минатиот месец кога семејството било на ручек во ресторанот во селото и не се вратила. Се сомневаат дека е со некое момче во селото Баница, но засега нема никакви информации.
Втора недела девојчето не се вратило дома, ниту се јавило дали е добра и безбедна. Дедото вели дека Благица со родителите живее во Германија, но била дојдена на летен одмор. Бараат полицијата да помогне и да се провери каде е малолетното девојче.
Од СВР Струмица кусо одговорија дека надлежната служба работи на пронаоѓање на девојчето. Не ги коментираат сомнежите на семејството каде е Благица, ниту дали ја барале на посочената локација.
Сузана Мицева
