Вести Делови од тетовската почва загадена со арсен
Одредени површини од тетовксата почва се загадени со тешкиот метал Арсен. Мострите земени од горниот дел на Општина Јегуновце и во Тетово покажале присуство на Арсен во земјата два ипол пати повеќе од максималните граници.
Универзитетскиот професор Бесник Реџепи, вели дека практично Арсенот е поврзан со сите болести на човекот, кој тешките метални ги апсорбира преку зеленчукот кој се одгледува на загадена површина.
Истражувањето на почвата во тетовско го вршеа невладините организации Вила Зора и Еко Герила. Велат дека има начини за деконтаминација на земјата преку природен пат, за што е потребно неколку години. Како пример ја зедоа почвата во Велес.
За прочистување на земјата, потребна е поголема соработка и подршка од самите институции, кои се директно одговорни за чиста животна средина и здрави земјоделски производи.
Невладините сметаат здравствените институции треба да бидат поажурни и да прават почести контроли каква храна јаде Македонското население.
Испитувањата покажале дека загадени почви има и во Кавадарци, Велес и Скопје. Мостри од почва ќе се земат и во останатите делови од тетовско,по што се очекува да се изработи стратегија за прочистување на земјата од тешките метали.
Зоран Димовски
