Македонија Делегација на Европскиот парламент престојува во Скопје
Делегација на Европскиот парламент престојува во Скопје за да го оцени напредокот на земјата во европските реформи, како и подготвеноста за можни пристапни преговори.
Седум претставници од Комисијата за надворешни работи на Европскиот парламент предводени од естонскиот европратеник Туне Келам, ќе се сретнат со политичкото водство, опозицијата и претставниците на граѓанското општество.
Во делегацијата е романскиот европратеник Кристиан Преда, потоа Кнут Флекенштајн од Германија, Хуан Фернандо Лопез Агилар – шпански европратеник и уште по еден од Бугарија и од Унгарија.
Европратениците Кнут Флекенштајн и Едвард Кукан ќе се сретнат и со потпретседателот на Собранието Весел Мемеди.
