Вести По киксот на Јунајтед, Сити нов шампион на Англија
Манчестер Сити и официјално е новиот англиски шампион, откако Вест Бромвич, кој беше последен на табелата на Премиер Лигата, сензационално го победи Манчестер Јунајтед со 1:0 на „Олд Трафорд“ во рамки на 34. коло.
Џеј Родригез го постигна единствениот гол во 73. минута.
„Граѓаните“ имаат водство од 16 поени пред „црвените ѓаволи“, а двете екипи имаат по пет натпревари до крајот на првенството.
Ова е трета титула за Манчестер Сити во последните седум сезони и прва за тимот под раководство на Пеп Гвардиола.
