Реконструкцијата на Владата ќе се случи кон крајот на месецов

Ќе се интензивираат разговорите за зголемување на парламентарното мнозинство и реконструкција на Владата. Премиерот Заев ги оцени како шпекулации наводите дека СДСМ и ДУИ се договараат за трампа на министерствата за правда и за образование.

Се ќе зависи од квалитетот и способноста на личноста која ќе биде предложена за министер. Пред да се изврши реконструкцијата Заев ќе излезе со извештај за работата на секој министер. Вакви извештаи ќе поднесат и Владата за директорите кои ги именувала како и управните одбори за назначените претседатели.

Од ВМРО-ДПМНЕ велат дека тие немаат никакви најави дека ќе ги напуштат некои од нивните коалициски партнери.

Реконструкцијата на Владата ќе се случи кон крајот на месецов. Покрај Демократската партија на турците и Беса најверојатно ќе стане дел од новиот владин кабинет. Потоа ќе следат смени во вториот и третиот ешалон.

Јулијана Пешевска