Македонија Продолжува судењето за „Поткуп“
Во Кривичниот суд денеска треба да се одржи ново рочиште за случајот „Поткуп“, во кој обвинет е премиерот Зоран Заев.
На претходното рочиште што траеше шест и пол часа, беше сослушан струмичкиот бизнисмен Иван Николов Сачевалиев, како сведок во овој случај.
Сачевалиев рече дека снимката од предистражните мерките не била целосна и посочи дека откако му ја монтирале опремата за снимање на него, го наведувал Заев да го каже тоа што е прикажано на снимката.
Тој на почетокот на рочиштето тврдеше дека Заев му побарал поткуп но, подоцна кажа и дека не дал ниту евро на семејството Заеви.
Зоран Заев во „Поткуп“ е обвинет дека како градоначалник на Струмица од Сачевалиев побарал поткуп од околу 160.000 евра за легализација на градежно земјиште.
