ССНМ : Слободата на изразување страда поради вонредната состојба

Кривичните пријави за новинари, за наводен говор на омраза на социјалните мрежи кон партиски лидери и отпуштањата од работа во одредени портали кои поминаа речиси незабележано, ја доловуваат суспендираната слобода на говор, во актулната вонредна состојба, воведена поради Корона кризата, , вели претседателот на ССНМ, во пресрет на 3 Мај- Светскиот ден на слободата на печатот.

Први што остаа без работа беа неколку новинари од овдешните портали. Сето тоа поминува некако, велам, под радарот, без некој поголем интерес. Бидејќи поважните теми и проблеми ги поклопуваат – Ѕвездан Георгиевски-претседател на ССНМ.

А, лажните вести околу ширењето и превенцијата од корона вирусот, од некои медиуми, се објавуваат првенствено за поголем публицитет и профит, во духот на неолибералниот капитализам, смета Георгиевски.

Многу од лажните вести не се пуштени со намера да се лаже јавноста, туку се пуштени само да се предизвика некаков интерес , врз база на кој, потоа ќе се добие некоја реклама или некакво позиционирање во медиумскиот простор – Ѕвездан Георгиевски-претседател на ССНМ.

Слободното и квалитетно новинарство е предност на демократијата во ова време на пандемија, вели комесарот за човекови права при Советот на Европа, во пораката за Светскиот ден на слободата на печатот.

Пандемијата со Ковид- 19 не потсетува на суштинската улога што ја играат новинарите и медиумските професионалци во обезбедувањето на доверливи информации, борбата против дезинформациите што можат да предизвикаат паника, барајќи носителите на одлуки да бидат одговорни пред граѓаните – Дуња Мијатовиќ- Комесар за човекови права при Совет на Европа.

Во име на принципите на демократијата, Мијатовиќ апелира на посилна заложба за обезбедување независност и економска и социјална безбедност на новинарите и медиумските работници.

Сотир Трајков