Вести Тетовските пазарџии со поголема штета отколку заработка
Продавачите кои имаат тезги на тетовскиот Зелен пазар се жалат дека периодов имаат поголема штета отколку заработка. Поголемиот дел од нив продаваат овошје и зеленчук, па велат дека робата им скапува кога пазарот е затворен поради полицискиот час, особено во викендите кога имаше целосна забрана за движење. Тие велат дека принудени да се снабдуваат со помалку производи, за да немаат големи загуби.
Цените на производите, пазарџиите велат дека се пониски во однос на предходните денови, но сепак прометот е мал.
Со одлука на Тетовскиот кризен штаб, со цел превенција од ширење на коронавирусот, Зелениот пазар се затвора и секој четврток, кога во градот е пазарен ден.
Данијела Билбилоска
