Француска најава за повлекување на блокадата на преговорите

Франција може да се повлече од блокирањето на Македонија и Албанија. Ова во интервју за германскиот весник, „Франкфуртер алгемане цајтунг“, го кажал советникот на францускиот претседател Макрон за европски прашања, Климон Боне, а кој го пренесоа регионалните медиуми.

Откако Британија ја напуштила Европската унија, Франција сака да го сврти својот фокус кон Исток. По Брегзит поважно е од било кога да се надминат разликите внатре во ЕУ и да се фокусираме на она што не обединува“. вели Боне во интервјуто.

Советникот на Макрон, притоа смета дека Северна Македонија и на Албанија не треба да имаат различен третман, додавајќи дека тоа би било спротивно на француските напори да ја зајакнат стабилноста во регионот.

Порака пак дека Македонија и Албанија заслужуваат почеток на преговори со ЕУ, денеска упати претседателот на Европскиот парламент, Давид Сасоли, од посетата на Тирана.

Се случи еден застој пред крајот на годината, но процесот на пристапување треба да започне. Парламентот, Европската комисија и многу земји-членки се убедени. Јас сум убеден дека е само едно задоцнување“. изјави меѓу другото Сасоли.

Сасоли притоа потенцираше дека мора да се убедат сите да започнат преговорите.

Тамара Грнчароска