Со огнено оружје убиени две жени во Прилеп а еден маж е тешко ранет

Двојно убиство се случи утрово во 8 часот во семејна куќа на улицата Александар Македонски во Прилеп.

Со огнено оручје убиени се две жени, а еден маж е тешко повреден.

За убиството осомничен е 50 годишен прилепчанец, кој ја усмртил 40 годишната сопруга и нејзината 63 годишна мајка.

Со две прострелни рани се здобил и братот на сопругата кој е хоспитализран во прилепската болница. Во обид да биде совладан со повреди е и осомничениот за двојното убиство, кој исто така е во болница и му се укажува медицинска помош.

По двојното убиство во Прилеп, соседите на двете убиени жени се во шок

Од битолската полиција велат дека обезбедени се докази и траги од лице место кои ќе бидат предмет на вештачење и треба да помогнат во расчистување на случајот.

Исто така обезбедено е и лицето кое е осомничено за убиството на двете жени во Прилеп. Јавен обвиниел заедно со полициски екипи извршија увид на местото на убиството, а истото така извршен е и претрес во домот на осмничениот прилпчанец.

Засега мотивот за двојното убиство на сопругата и нејзината мајка не е познат, но од обвинителството наведуваат дека според нивни сознанија поради претходно нарушени брачни односи, осомничениот не живееле во заедница со неговата почината сопруга.

Нивниот десет годишен син сега е згрижен од стручниот тим на Центарот за социјални работи.

Емилија Мисирлиевски