Со сведочење на патниците продолжи судскиот процес за автобуската несреќа кај Ласкарци

На судењето за автобуската несреќата кај Ласкарци денеска сведочат патниците кои ја преживеаа страотната трагедија.

Нивните сведочења треба да дадат одговор што точно се случувало денот кога во автобусот на Дурмо Турс загинаа 16 луѓе, а повредени беа 37.
Патникот кој седел во првиот ред кој седел во првиот ред, рече дека возачот, на денот на трагедијата во неколку наврати го користел мобилниот , од скопската автобуска станица до патарината кај Глумово.

По несреќата, тој скоро цел месец бил хоспитализиран во болницата 8-ми септември, со 12 искршени ребра и 2 пршлени. Оштета ќе бара, а дали обвинетите кривично ќе се гонат остава да одлучи Судот.
Денеска треба да бидат испрашани уште 6 сведоци.

Во судницата не се појави една од преживеаните затоа што во моментов е на лекување во странство.