Ципрас: Преспанскиот договор ја заслужува подршката на двете земји

Поддршката за почнување на преговорите меѓу Македонија и Европската унија, беше во фокусот на разговорите меѓу поранешниот грчки премиер Алексис Ципрас и премиерот Зоран Заев. На средбата вечерва во Скопје, тие оценија дека поддршката за Македонија доаѓа не само како резултат на преспанскиот договор, туку и заради исполнувањето на домашните реформи.

Двајцата соговорници разговараа за придобивките од Преспанскиот договор и нагласија дека договорот ја заслужува севкупната поддршка од двете земји.

Ципрас утре ќе учествува на самитот на Економист, „Зајакнување на моментумот за европска интеграција“, посветен на Западен Балкан, што се одржува во Скопје.

На посебна панел дискусија, заедно со Заев и со поранешниот претседател на Европскиот парламент Мартин Шулц, ќе дебатираат за тоа кои се следните чекори за европска интеграција на Западен Балкан.

Освен Ципрас, говорници на утрешниот самит се и Вес Мичел, поранешен Помошник државен секретар, американската амбасадорка Кејт Мари Брнс, потпретседателот на Европскиот парламент Димитрис Пападимулис.