Македонија Планот „Ц“ ги помати преговорите за СЈО
Планот „Ц“ го наруши преговарачкиот процес за Законот за ЈО. Нема договор ниту напредок, партиите ја заострија реториката. Со префрлањето на предметите и обвиненијата од СЈО во ЈО, законот повеќе не е ургентен. Министерката за правда Рената Тренеска Дескоска вели дека и таа била затечена од писмото на Јанева, а опозицијата била во шок. Токму поради тоа беспредметна била денешната средба во законодавниот дом.
ВМРО-ДПМНЕ ја обвини власта за координиран план со цел да продолжи политичкиот прогон врз опозицијата.
Наредната недела работните групи повторно ќе се обидат да постигнат компромис за законот, а во разговорите не е исклучена можноста да бидат вклучени и лидерите на СДСМ и на ВМРО-ДПМНЕ, Заев и Мицкоски.
Јулијана Пешевска
