Влада: Јавноста е целосно информирана, решение е можно и за таа цел во тек е преговарачки процес

На билатералната средба меѓу премиерите Зоран Заев и Алексис Ципрас на Економскиот форум во Давос, за прв пат после две децении се откочија процесите кои водат кон достоинствено решение на отворените прашања на Република Грција и Република Македонија како две соседни европски земји. За демонстрираната добра волја од двете страни јавноста беше целосно информирана, информираат од владата.

– Изнаоѓањето взаемно прифатливо решение е можно и за таа цел во тек е преговарачки процес. Потребна е добра волја и компромис од двете страни да се дојде до решение кое ќе ги почитува достоинството и идентитет на граѓаните на двете држави.

Соопштението од Владата следи откако ВМРО – ДПМНЕ побара јавно да биде одговорено што договорил премиерот Заев во Давос на средбата со Ципрас.