Обвинители на СЈО во финансиска полиција

Двајца обвинители на СЈО и еден истражител денеска беа во просториите на Управата за финансиска полиција каде се сретнаа со директорот на Управата.

Директорот на финансиската полиција Арафат Муареми потврди дека се сретнал со специјалните обвинители во рамки на стандардната и постојана соработка во истраги, но не откри ниту повеќе детали за целта на средбата и дали се спомнувало за конкретни истраги.

Муареми инаку е поранешен истражител во Специјалното јавно обвинителство.

По излегувањето од финансиската полиција, ниту обвинителите на СЈО не соопштија повеќе детали за која цел биле таму и ги избегнаа новинарските прашања. Обвинителот Љубомир Лапе само кратко порача без коментар.

СЈО и по истекот на рокот за поднесување на обвиненија, продолжи да истражува случаи произлезени од прислушуваните материјали, како и истраги за набавка на опрема во УБК користена за нелегално следење.

Во декември беа објавени седум нови истраги на СЈО во кои беа осомничени 17 лица.