Владата ги прати до Собранието предлог-амандманите на Уставот

Владата на денешната седница, го усвои финалниот текст на предлог амандманите на уставот и ги испрати до Собранието.

Со измените во уставот зборовите „Република Македонија“ се заменуваат со зборовите „Република Северна Македонија“, а зборот „Македонија“ се заменува со зборовите „Северна Македонија“, освен во член 36 од уставот.

Се прават измени во преамбулата, каде одлуките на АСНОМ се заменуваат со прогласот на АСНОМ и се додава Охридскиот договор.

Во амандманите пишува дека републиката го почитува суверенитетот, територијалниот интегритет и политичката независност на соседните држави, а се се грижи за дијаспората на македонскиот народ и на другите заедници и ги негува и унапредува врските со татковината.

Владата пишува дека измените на уставот се прават поради исполнување на договорот за името, и нема да важат ако Грција не го ратификува договорот за името, и протоколот за членство во НАТО.

Предвидено е за уставните измени во Собранието да се гласа на 15-ти јануари, за што треба двотретинско мнозинство односо 80 гласа за.