Вработените во Клинички протестираат за зголемената цена на паркингот (видео)

По вчерашната најава на град Скопје да го поскапи паркирањето за вработените на скопските клиники, на иницијатива на вработените и со поддршка на синдикатот, утринава за време на нивната пауза тие излегоа на протест.

Вработените се против одлуката за месечната паркинг карта да плаќаат 800 денари, за кои велат дека влија на нивниот буџет. Најавија дека имаат решенија кои се во нивен и интерес на пациентите. Нареден чекор е велат блокирање на наплатните места за користење паркинг.

Градоначалникот Шилегов, со оваа мерка очекува да се регулира сообраќајниот хаос во кругот на клинички. Објаснува дека на клинички, се издадени илјада и 500 месечни карти, за кои вработените плаќаат повластени 300 денари, во услови кога на паркингот има 670 места.