Македонија Бришковска вели запрепастена е од сведочењето на Нинџа
Поранешната заменичка министерка за правда Билјана Бришковска Бошковска, ја негира вистинитоста на исказот на Александар Василевски Нинџа, даден за време на денешното судење за настаните од 27 април. Василевски денеска во судницата сведочеше дека Бришковска контактирала со Вељаноски, кому му наредила пратениците да ги отворат вратите од Собранието.
Во врска со наводите пренесени во медиумите од сведочењето на обвинетото лице Александар Василевски, можам само да изјавам дека сум запрепастена од невистинитоста на исказ на сведокот кој се однесува на мене и целосно го отфрлам како неточен.
Бришковска е обвинета и во предметот „Титаник“ на СЈО за изборните нерегуларности.
