Македонија Врнежи од дожд и снег ќе продолжат и во текот ноќта
Снегот кој паѓа на повеќе места, ги затвори патиштата низ Македонија. Од 18 часот целосно е во прекин сообраќајот на патот Берово-Виница. Поради обилни врнежи од снег, за камиони е затворен патот од Крива Паланка до граничниот премин Деве баир. Иста забрана има и на планинските премини Стража и Плетвар и на патот Дреново – Прилеп.
По целосната блокада на сообраќајот на патот Куманово-Крива Паланка, од 17 часот, на овој пат се вози наизменично.
Од Автомото сојузот на Македонија велат дека се вози по влажни коловози.
На планинските превои Стража, Ѓавато, Буково и Пресека, има остатоци од кашест снег на коловозот.
Инаку, најмногу снег има на Попова Шапка и Маврово – 18 сантиметри, потоа во Претор, Тополчани и во Битола каде има 11 сантиметри снег.
