Не се знае кога ќе биде готов автопатот Миладиновци – Штип

Во завршна фаза е изградбата на автопатот Штип –Миладиновци, но надлежните не даваат дециден одговор кога ќе биде пуштен за сообраќај. Првично требаше тоа да биде во септември оваа година.

Причините за доцнењето so изградбата на единствениот автопат кон истокот и југоистокот се 35 те дождливи денови до јуни, кои ги отежнале работите на терен. Изградбата чини над 200 милиони евра, земени како заем од кинеската Ексим банка.

Во меѓувреме , забрзано се гради новиот експресен пат Штип-Радовиш, кој наместо за три се очекува да биде готов за две и пол години.

Министерот за транспорт, Горан Сугарески и директорот на Агенцијата за државни патишта, Зоран Китанов денеска заедно гледаа докаде е изградбата на овој експресен пат.

Викторија Димитрова Јованова