Спасовски: Во акцијата во угостителските објекти не беше употребена сила

„Полицијата нема воопшто употребено сила, а акцијата е спроведена според прописите и правилата“ напиша министерот за внатрешни работи Оливер Спасовски на својот Фејсбук профил во врска со акцијата којашто беше спроведена во саботата во угостителски објекти при што беа приведени неколку лица.

Тој ги повика граѓаните да пријават во МВР доколку се соочиле со несоодветно однесување на полицијата.

„Меѓу чесните гости имаше и такви кои незаконски беа вооружени, кои поседуваа наркотични средства, кои нападнаа полицајци и кои одбија да постапат по полициска наредба. Ноќните клубови се места за забава, но мора да бидат безбедни, а законот важи еднакво за сите“ напиша министерот Спасовски

Објавено на
© 2025 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ