За развој на науката потребни се финансии и јасна стратегија

Главната кочница за успешен и побрз развој на науката во Македонија е во делот на финансирањето на наставно – образовната и научно- истражувачката дејност.

Општо позната работа е дека години наназад не се одвојувале доволно средства и тоа процентот на одвојување во однос на бруто домашниот производ е многу мал некаде околу 01%, така што тоа е далеку од потребното и далеку од доволното, вели проф. д-р Никола Јанкуловски, ректор на УКИМ.

За развој на научната мисла во образовниот систем и истражувачката дејност е потребен и подмладок на наставниот кадар, смета деканот на Факултет за информатички науки и компјутерско инженерство Иван Чорбев.

Потребни ни се млади луѓе коишто ќе го збогатат колективот со знаење со капацитет ќе ги преземат на свој товар работата со голем број студенти. Во услови кога информатиката е популарна индустрија каде што платите се поголеми потешко ни е е да ги задржиме младите истражувачи и магистранти да работат на факултетот, изјави проф. д-р Иван Чорбев, декан на Факултет за информатички науки и компјутерско инженерство.

Воспоставување делотворен национален истражувачки систем кој ќе биде интегриран и во Европскиот научно-истражувачки простор е важен за развојот на државата во целина.

Да речеме публицирање на своите трудови: каде, во кои списанија т.н open access филозофија за публицирање во списанија. Колку се важни електронските списанија, како да бидеме повидливи за остатокот од светот, рече проф. д-р Владимир Петрушевски, проректор за наука.

Важноста на научната мисла и нејзиниот просперитет вон границите се исклучително важни за развојот на Македонија во сите нејзини сегменти, заклучија учесниците на денешната трибина.

Нина Стефанова