Свет СЗО го прогласи коронавирусот за светска здравствена закана
Коронавирусот е прогласен за светска здравствена закана од страна на светската здравствена организација, додека епидемијата продолжува да се шири надвор од границите на Кина.
“Главната причина за оваа одлука, не е тоа што се случува во Кина, туку тоа што гледаме дека се случува во другите држави” – изјави генералниот директор на СЗО, Тедрос Адханом, на прес конференцијата во Женева.
Опасноста од коронавирусот е потенцијалното ширење на бројот на инфицирани луѓе во државите со послаби здравствени системи.
Бројот на човечки жртви во Кина, во моментов изнесува 170 луѓе.
Светската здравствена организација соопшти дека досега се регистрирани 98 случаи на луѓе заразени од коронавирусот надвор од Кина, но без смртен случај,
Потврдени се 8 случаи на пренесување на вирусот од човек на човек, и тоа во Германија, Јапонија, Виетнам и Соединетите американски држави.
Според СЗО, епидемијата на коронавирусот е без преседан, на која кинеските власти реагирале со исклучителни мерки за да го спречат неговото драстично ширење.
