Свет Саакашвили приведен во Киев
Поранешниот грузиски претседател Михаил Саакашвили, кој е лидер на украинското Движење на новите сили, денеска е приведен во Киев, соопшти неговата портпаролка Татјана Баграновскаја.
– Михаил Саакашвили денеска беше грабнат во ресторанот Сулугуни недалеку од просториите на нашата партија, изјави таа, додавајќи дека тој бил насилно внесен во бело комбе и одведен во непознат правец.
Таа наведе дека луѓето кои го привеле Саакашвили биле во маскирни униформи и дека не се претставиле.
