Свет Најмалку четворица загинати во вооружен инцидент во Лиеж
Во вооружениот инцидент во белгискиот град Лиеж загинаа четири лица, двајца полицајци, напаѓачот и случаен минувач.
Според белгиските медиуми, напаѓачот прво почнал да пука во кафуле, а потоа земал една жена за заложник и се скрил во училиштето во близина, при што бил елиминиран од полицијата.
Според последните информации во инцидентот загинал и случаен минувач.
Судски и полициски извори брифираат дека престрелката која се случи во Лиеж, при што загинаа и двајца полицајци, најверојатно е терористичко дело.
Медиумите објавија дека напаѓачот е Бенжамин Херман, роден 1982 година. Тој во понеделникот бил пуштен од затвор, се сметал за маргинален и насилен, но не бил познат за терористички дела или по насилна радикализација.
