Петмина мртви при судир на воени хеликоптери во Франција

Два воени хеликоптера се судрија во јужна Франција, во близина на Сен Тропе. Во несреќата загинале најмалку пет лица, јавија светските медиуми. Според информациите, се судриле два хеликоптера за обука на војници, кај езерото Карсе.

„Во леталата имало по три членови на екипажот“, соопшти полицијата од градот Брињол. Пронајдени се телата на пет жртви, а се трага по уште еден член на екипажот, кој останал заглавен под урнатините на хеликоптерите.

Во тек е истрага за падот на леталата.