Свет „Не значи не“ – потсетуваат жените на карневалот во Рио
„Не значи не”, е слоганот на Бразилијанките за време на карневалот во Рио кој се одржува деновиве.
Инспирирани од кампањата Ми Ту, иницирана по скандалот со продуцентот Харви Вејнштај, Бразилијанките одлучија да се мобилизираат и да се спротивстават на многубројните сексуални и физички напади врз жените што се случуваат токму за време на овој празник во Рио.
Овој бразилски празник, најголем на светот, се одржува на 40 степени температура а учесниците и учесничките често се лесно облечени а се точи и многу алкохол. Така што празникот е место на кое се случуваат десетици сексуални напади врз жените.
Според полицијата, на секои 4 минути се случува напад врз жена.
