Свет Капсулата „Кру Драгон“ ќе носи луѓе во вселената
Капсулата „Кру Драгон“, што е прво летало на „Спејс-екс“ дизајнирано да превезува луѓе во вселената, вчера беше успешно лансирана. Капсулата во следните 24 часа би требало да се спои со Меѓународната вселенска станица.
Во капсулата се наоѓа куклата Рипли и една плишана играчка наречена Земја кои ќе послужат за тестирање на влијанието на гравитацијата, а превезува 200 килограми опрема за Меѓународната вселенска станица. Каспулата беше лансирана од Вселенскиот центар „Кенеди“ во Флорида.
Успешното лансирање го става „Спејс-екс“ еден чекор поблиску до историски настан – „Кру Драгон“ би можело да биде прво комерцијално изградено вселенско летало кое ќе ги носи астронаутите на НАСА во орбитата.
