Свет Доналд Трамп пристигна во Давос
Американскиот претседател Доналд Трамп денеска допатува во Давос, каде се одржува Светскиот економски форум. Светската бизнис и политичка елита се прашува дали се уште непредвидливиот американски претседател ќе им се додворува или ќе се обиде да наметне своја агенда – Америка на прво место, јави АФП.
Трамп таа способност да изненади ја илустрираше со изјавата дека е „подготвен да сведочи под заклетва“ во истрагата за можна соработка на неговиот тим во кампањата за изборите и Русија. Тоа го изјави само неколку часа пред летот за Швајцарија. Поради тоа има и за што да разговара со речиси 3.000 шефови на фирми или високи политички челници, кои се на тридневниот форум во монденскиот скијачки центар.
Ќе мора да се почека до петок за да се слушне говорот на американскиот милијардер, чиј авион полета од воздушната база Ендрјус во предградието на Вашингтон доцна синоќа.
– Наскоро ќе допатувам во Давос за да му кажам на светот колку Амеика е прекрасна и колку добро и оди. Нашата економија сега закрепна и се што работам може само да и биде подобро. Нашата држава конечно повторно заработува, напиша Трамп на Твитер пред да замине за Давос.
