Британскиот Парламент не дозволи пауза за конгресот на Ториевците

Британскиот премиер Борис Џонсон денеска повторно изгуби едно гласање во Парламентот, откако пратениците го отфрлија предлогот на Владата за пауза во законодавниот дом за да можат членовите на Конзервативната партија да присуствуваат на нивниот годишен конгрес, како што беше вообичаено претходно.

Предлогот, кој предвидуваше тридневна пауза, беше одбиен од 306 пратеници, додека 289 гласаа „за“.

Членовите на Долниот дом на Парламентот вчера  ја продолжија работата во многу напната атмосфера по пресудата на Врховниот суд дека одлуката на премиерот за прерогација на законодавниот дом е незаконска.

Објавено на
© 2025 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ