Свет Поранешната претседателка на Јужна Кореја осудена на 24 години затвор
Поранешната претседателка на Јужна Кореја Парк Геун-Хи е е прогласена за виновна и осудена на 24 години затвор а треба да плати и 16,8 милиони долари отштета на државата.
Таа беше обвинета за корупција, злоупотреба на моќта, изнуда и протекување државни тајни, а според обвинителниот акт Парк извршила притисок врз 18 компании да платат 72 милиони долари на фондацијата управувана од нејзината пријателка Чои Сон-сил.
При соопштувањето на пресудата судијата изјави дека обвинетата треба да биде строго казнета за нејзините злодела бидејќи не покажала никакво каење за хаосот што го предизвикала во земјата.
Парк не беше присутна во судницата, а нејзините адвокати најавија жалба на пресудата поради високата казна.
