Еден ден со медицинската сестра Сетембрез од миланската болница „ Сан Паоло“

Италијанската медицинска сестра Кристина Сетембрез се подготвува за вообичаениот работен ден. Пред да замине во болницата „ Сан Паоло“, 54-годишната Сетембрез го шета домашниот миленик Пепе во паркот и ја полни торбата со храна , за на работа.

Во овој период, јас сум изолирана дома зашто работам на Одделението за инфективни болести и сега, со појавата на Ковид- 19, се плашам за мојата ќерка и за моето семејство. Поминаа 2 месеци, од 20 февруари наваму, кога бев во Кодињо, за да земам брисеви и затоа ја испратив мојата ќерка да живее кај сестра ми – Кристина Сетембрез- мединицска сестра од болницата „ Сан Паоло“ –Милано.

Нејзината ќерка Ребека, има 24 години и признава дека и недостига кучето. Сетембрез заминува на работа и ги остава торбите во болничката кујна. Колегите и помагаат да ја облече заштитната опрема. Таа признава дека новите околности бараат нови знаења од медицинскиот персонал за да се изборат со корона вирусот.

Ние здравствените работници одново инвестиравме во нашето знаење, зашто работејќи во Одделението за инфективни болести, никогаш не сме виделе шлем, маска, ниту пак знаев, како да го проверам мониторот . Па, работевме и дома моравме да учиме за овие машини- Кристина Сетембрез- мединицска сестра од болницата „ Сан Паоло“ –Милано.

Секојдневната комуникација со пациентите создава емоции кај оваа медицинска сестра , која започнала да работи на 18, 5 години. Таа вели дека од изминативе седмици има ново семејство.

Има пациенти кои те трогнуваат зашто се сами, немаат роднини, живеат со нивните болести и понекогаш умираат сами, за жал, па ние се чувствуваме како да сме им семејство- Кристина Сетембрез- мединицска сестра од болницата „ Сан Паоло“ –Милано.

Смената и завршува со консултации и предавање на обврските на колегите што доаѓаат. По враќањето дома, Кристина Сетембрез си игра со кучето. Става маска и разговара по телефон со семејството. Болницата „ Сан Паоло“, и понатаму прима пациенти со корона вирус, со што продолжува и хуманата мисија на оваа медицинска сестра.

Сотир Трајков