Свет САД очекуваат епидемијата да трае 18 месеци
Владата на САД се подготвува за пандемијата од коронавирусот, која би можела да трае до 18 месеци и подолго и да има неколку бранови на разболување, пренесуваат американските медиуми.
„ Болниците во САД веќе известија дека се соочуваат со недостиг на опрема и лекови, а американската Влада неделава објави дека ќе ги помогне болниците кои останале без резерви и ќе одреди уште два медицински објекта за сместување на заболените“, објави телевизијата „Си-Ен-Ен“.
Во последните 24 часа бројот на инфицирани со Ковид-19 порасна за 40 проценти и изнесува 9.000 луѓе, а починаа најмалку 149.
Сојузните влади во САД веќе презедоа мерки за да го спречат ширењето на болеста, како затворање на училишата, а баровите и рестораните се претворени во служби за снабдување со храна. Додека локалната власт на Сан Франциско им препорача на граѓаните ако е неопходно да ги напуштат домовите.
Претседателот Доналд Трамп го испрати американскиот воен болнички брод во Њујорк, кој треба да пристигне за една недела и ќе се користи како болница во градското пристаниште.
Во сила е Закон за прозиводство за зајакнување на националната одбрана од 1950 година, кој во воени услови и овозможува на државата да ги контролира сите производствени процеси
