ЕК нуди 80 милиони евра помош за „КјурВак“ за развој на вакцина против Ковид-19

Европска комисија понуди 80 милиони евра финансиска поддршка за германската биофармацевтска компанија „КјурВак“ за забрзување на развојот и проиизводството на вакцина против новиот коронавирус.

Претседателката на Европска комисија, Урсула фон дер Лајан и еврокомесарката за иновации и истражувања Марија Габриел вчера преку видео-врска разговараа со управата на „КјурВак“, а во разговорот учествуваше и потпретседателот на Европска инвестициска банка (ЕИБ), Амброаз Фајол.

Поддршката за германската фирма би била гаранција на ЕУ за заем од ЕИБ.

Во ова здраствена криза од најголема важност е да ги поддржиме нашите водечки истражувачки технолошки компании. Одлучивме да и обезбедиме на „КјурВак“ финансирање потребно за забрзување на развојот и производство на вакцина. Горда сум дека имаме водечки компании како „КјурВак“ во ЕУ, посочи фон дер Лајан.

„КјурВак“ е формирана во 2000 годинан и разви нова технологија со која е надмината една од најважните препреки за употреба на вакцината – потребата да се одржи стабилна без ладење. Прелиминарните истражувања покажуваат дека таа технологија ветува брз одговор на Ковид-19. Компанијата веќе почна своја програма за развој на вакцина за новиот коронавирус и се проценува дека клиничкото тестирање ќе почне до јуни годинава.

Според германските медиуми, американскиот претседател Доналд Трамп се обидува германските експерти од „КјурВак“, кои работат на вакцината против Ковид-19, нудејќи им големи суми пари да ги доведе во САД или да обезбеди ексклузивни права на вакцината.