Трет потврден случај на Ковид-19 во Белгија

Белгиските власти соопштија дека е потврден трет случај на заразен од вирусот Ковид-19, два дена откако беше потврден и вториот случај.

Пациентот живее во Брисел и е неодамна е вратен од Милано, град кој се смета како ризична зона и имал симптоми на коронавирус, но е во добра состојба, изјави регионалниот министер за здравство, Ален Марон.

-Врз основа на национална процедура и во консултација со докторот од референтниот центар одлучено е пациентот да се врати на домашно лекување со строги мерки на изолација, стои во соопштението до медиумите.

Во текот на викендот властите потврдија втор случај во градот Антверпен, првиот случај е веќе излечен и пуштен од болница.

Белгија не предвидува систематски тестови на лица кои имаат симптоми на грип и не се преземаат мерки против големи собири, освен во една општина, чиј градоначалник не се согласува со владините инструкции и воведе сопствени решенија за заштита на населението.

За време на викендот, властите во Луксембург информираат дека пациент тестиран позитивно за ковид-19 стигнал на луксембуршка територија преку Белгија, истиот ден шпанските власти соопштија дека нивна државјанка, исто така позитивна, и во тешка состојба, се вратила од престој во Белгија.

Во Индонезија се регистрирани првите два случаи на заболени со новиот коронавирус откако две лица кои биле во контакт со заразен јапонски државјанин, биле позитивни на тест, соопшти денеска индонезискиот претседател Јоко Видодо.

Тој прецизираше дека станува збор за 64-годишна жена и нејзината 31-годишна ќерка, кои биле во контакт со јапонски државјанин кој живее во Малезија и кој бил позитивен на тестови откога се вратил во таа држава од Индонезија.

Видодо рече дека двете жени биле хоспитализирани во Инфективната болница во Џакарта.

Потврдата за првите случаи доаѓа откако властите го бранеа својот процес на скрининг од критики од медицински експерти кои се загрижени за недостиг на претпазливост и ризик од неоткриени случаи во азиската земја каде има повеќе од 260 милиони луѓе.