Вести Кина ќе го суспендира целиот јавен транспорт во Вухан во обид да го спречи ширењето на епидемијата
Вухан, кинескиот град од речиси 9 милиони жители, привремено ќе го запре целиот систем за јавен транспорт заради ширењето на опасната епидемија коронавирус.
На 8,9-те милиони жители на овој град им беше кажано да не заминуваат од градот. Од овој вирус досега починаа 17 луѓе а само во последните 24 часа бројот на жртвите се зголеми речиси двојно.
Автобускиот превоз, подземната железница, фериботите и железничките линии на долго растојание ќе бидат целосно запрени од утре во 10 часот наутро по локално време.
Коронавирусот од Вухан се прошири и во неколку други кинески провинции, како и во Соединетите американски држави, Тајланд и јужна Кореја.
Станува збор за вирус кој досега не бил забележан кај луѓето и предизвикува респираторни здравствени проблеми.
