Свет Десетина деца повредени во забавен парк во Шпанија
Најмалку 28 лица, повеќето од нив деца, беа повредени денеска во несреќа во забавниот парк Сан Хозе де ла Ринконада во близина на Севиља, соопштија шпанските власти.
Според тамошните медиуми, вртелешката во паркот пукнала и се распарчила на два дела, пренесе агенцијата АП.
Општинските служби за итни случаи во Севилја објавија дека девет повредени биле пренесени во локалните болници.
Според градскиот совет на Ла Ринконада, вртелешката како реквизит во забавниот парк претходно минала низ безбедносна инспекција.
Истрагата е во тек.
