Вести Американскиот Конгрес менува правила
Американскиот конгрес ќе ги смени своите интерни правила по иницијатива на една муслиманка, која е избрана за конгресменка, со цел да се дозволи носење хиџаб во зградата. Илхан Омар, поранешна сомалиска бегалка, беше избрана за член на претставничкиот дом од демократската партија. Таа е вклучена во менувањето на правилата на конгресот, кој 181 година забрануваа главата на луѓето да е покриена со нешто кога се во зградата. Сега се планираат исклучоци од религиозни причини. Тука спаѓаат исламската марама, еврејска кипа и индиски турбан. Претставничкиот дом, во кој сега мнозинство имаат демократите, промената би требало да ја одобри во јануари. Во меѓувреме, Илхан Омар најави дека ќе смени уште неколку забрани.
